Policia e Kosovës sot pas dite ka arrestuar tre persona të dyshuar në lidhje me vrasjen e trefishtë në Gllogjan.

Mësohet se të arrestuarit janë Halil Mehmetaj dhe dy djemtë e tij, Kreshnik edhe Malsor Mehmetaj, raporton ‘Epoka e re’.

Lidhur me arrestimin e tyre kanë dhënë detaje edhe nga Prokuroria e Shtetit.

“Janë arrestuar tre persona të dyshuar për vrasjen e cila ka ndodhur para disa ditëve në Gllogjan”, ka thënë Agim Kurmehaj, kryepokuror në Prokurorinë e Pejës.

“Pas ndodhjes së rastit kanë filluar hetimet intensive. Dhe, pas kësaj pune me vendimin e prokurores së cështjes janë arrestuar tre persona që dyshohen për veprën penale vrasje e rëndë. Prokurorja e cështjes ka lëshuar vendimin për 48 orë paraburgim”, ka thënë ai.