![](https://www.epokaere.com/wp-content/uploads/2021/01/143424780_4038911899473632_1123138237647465215_n.jpg)
E kujt është UÇK-ja?
Faton Abdullahu
UÇK-ja më së shumti është e atyre që e mbrojnë më së shumti.
UÇK-ja nuk është e atyre që nuk kanë besuar kurrë se me luftë çlirohet ky vend.
UÇK-ja nuk është e atyre që thoshin se ajo është dorë e zgjatur e Serbisë
UÇK-ja nuk është e atyre që thonë se luftuan një vjet e po qeverisni 20 vjet
UÇK-ja nuk është e atyre që i gëzohen burgosjeve të Gjykatës Speciale as e atyre që thonë se vetë e votuat Gjykatën e tash mirë po ju bohet.
UÇK-ja nuk është e atyre që nuk e votojnë Ligjin për mbrojtjen e vlerave të luftës.
UÇK-ja nuk është e atyre që duan ta leçisin atë me veteranët e rrejshëm, me hajnat e vërtetë, as me ata që harruan pse luftuan.
UÇK-ja nuk është e atyre që mendojnë se ajo nuk është themel i shtetit të Kosovës dhe se ky themel mund të zëvendësohet me diçka tjetër,
UÇK-ja nuk është e atyre që e duan të ardhmen si duhet pa e njohur të kaluarën si ishte
UÇK-ja nuk është e atyre që mendojnë se ajo e ka vendin veç në histori dhe veç te varret.