Sam Asghari pranoi se martesa me Britney Spears ka marrë fund. Në një deklaratë të postuar në internet të enjten, modeli dhe trajneri i fitnesit pranoi se dëshira për privatësi “duket qesharake”, por kërkoi që media të jetë “dashamirëse”.

“Pas gjashtë vitesh dashuri dhe përkushtim ndaj njëri-tjetrit, unë dhe gruaja ime kemi vendosur t’i japim fund rrugëtimit tonë së bashku. Ne do të mbajmë dashurinë dhe respektin që kemi për secilin dhe i uroj asaj gjithmonë më të mirat.

Gjërat ndodhin. Të kërkosh privatësi duket qesharake, kështu që unë thjesht do të kërkoj që të gjithë, përfshirë mediat, të jenë dashamirës,” tha ai.

Britney Spears ndahet nga bashkëshorti pas një viti martesë

Dokumentet e paraqitura në një gjykatë në Los Angeles të mërkurën cituan “ndryshime të papajtueshme” për divorcin dhe deklaruan se çifti ishte ndarë pothuajse tre javë më parë.

Në dosje thuhet se Asghari synon të marrë mbështetje financiare nga Spears dhe të paguajë ajo për avokatët e tij. Sipas dokumenteve, vlera e aseteve të Spears dhe Asghari, dhe atyre që ata zotërojnë së bashku, ende nuk është përcaktuar.

Në një deklaratë për Hollywood Reporter të enjten, një përfaqësues i Asghari-t mohoi pretendimet e bëra nga tabloidët se ai dyshohet se kishte kërcënuar se do të publikonte materiale të turpshme për Spears nëse nuk bëheshin lëshime në kontratën paramartesore të tyre.

Spears nuk e ka komentuar publikisht ndarjen, por postoi në Instagram të mërkurën, ku u tha fansave se “do të blinte një kalë së shpejti”.

Ata u takuan në vitin 2016 dhe u martuan në qershor 2022.

Martesa e tyre ishte e para për Sam Asghari, 29 vjeç, dhe e treta për Spears, 41. Ajo u martua me Kevin Federline, me të cilin ka dy fëmijë – Sean dhe Jayden – në 2004 dhe u divorcua nga ai në vitin 2007. Ajo u martua me mikun e fëmijërisë Jason Alexander në vitin 2004, por martesa u anulua pas vetëm 55 orësh.