Drejtori sportiv i Bayern Munichut, Max Eberl ndihet i befasuar me mungesën e Jamal Musialas në nominimet për “Topin e Artë”. Ylli gjerman i Bayernit, Musiala, nuk u përfshi në listën e 30 lojtarëve të për “Topin e Artë” duke e lënë të zemëruar drejtorin e Bayernit, Eberl.

“Jemi shumë të befasuar që në këtë listë mungon Jamal Musiala. Është krejtësisht e pakuptueshme”, ka thënë Eberl për DPA. Musiala ishte brilant për Bayernin sezonin e kaluar duke shënuar 12 gola dhe duke shtuar 8 asistime. Ai gjithashtu shënoi tre gola duke ndihmuar Gjermaninë të arrinte në çerekfinale të “Euro 2024”.