Numri i personave të cilët janë shëruar nga koronavirusi në Shqipëri ka shkuar në 76. Ministrja e Shëndetësisë, Ogerta Manastirliu, në një njoftim në “Facebook” tregoi se në orët e fundit janë shëruar edhe nëntë pacientë të tjerë. Ndërkohë nga radhët e bluzave të bardha, ministrja Manastirliu njoftoi se janë shëruar edhe pesë mjekë dhe infermierë duke e çuar në 13 numrin e stafit mjekësor të shëruar nga COVID 19.