Deputeti i Lëvizjes Vetëvendosjes Valon Ramadani, ka ndjekur shembullin e shefit të tij të partisë, kryeministrit në detyrë Albin Kurti.

Ai ka vendosur që ta jep gjysmën e pagës për luftimin e pandemisë Covid-19.

Njoftimi i plotë:

Paga për fondin, fondi për ndihma

Duke e ndjekur shembullin e Kryeministrit në detyrë, Albin Kurti, e në mbështetje të iniciativës së tij, ndaj gjysmën e pagës së këtij muaji për fondin e menaxhimit të pandemisë Covid-19.

Pra, gjysma nga paga ime e deputetit shkon në këtë fond, dhe njëherit ftoj të gjithë kolegët deputetë të cilët kanë mundësi, e këdo tjetër që mundet, të solidarizohet në këtë mënyrë e të ndihmojë dhe të kontribuojë për këtë situatë jo të lehtë ekonomike!.