Ismet Sylejmani

Hydajet Hyseni,
Udhëheqësi më i madh ilegal shqiptar në Kosovë e Vise, duke mbajtur fjalim më 1 Prill 1981, para Komitetit Krahinor të LKJ-së në Prishtinë!
Fjalimi që e ka mbajtur ne Prishtinë, më 1 Prill 1981, Udhëheqësi më i madh ilegal shqiptar i atyre viteve dhe përsoni më i kërkuari nga ish-jugosllavia Hydajet Hyseni, ishte ngjarja më e madhe historike dhe më e shënuara në daljet publike, politiko-patriotike të popullit shqiptar të Kosovës dhe viseve të saja në ish-Jugosllavi!

Faik Rexhepi,
Më 29 gusht 1990 kur delegacioni nga SHBA, i kryesuar nga Senatori Robert Joseph Dole erdhi në vizitë në Kosovë, njëri nga ata që kishin dalur ta prisnin ishte edhe Faik Rexhepi, i cili gjatë shpërndarjes së masës së qytetarëve, që ishin grumbulluar para Hotelit Grand në Prishtinë, nuk iku, por u ul këmbëkryq dhe qëndroi sypatrembur!

Hydajet Hyseni dhe Faik Rexhepi, janë dy figura e përsonalitete, që kanë të veçantat e tyre dhe të përbashkën e përafërt!

Hydajet Hyseni, ka qenë Sekretar Organizativ i Lëvizjes Politike Ilegale në Kosovë!
Ka mbajtur fjalim dhe ka drejtuar lëvizjen dhe një popull të tërë, në demonstraten masovike të 1 Prillit 1981 në Prishtinë!
Ish i burgosur politik, i denuar me 15 vite burg!
Figurë e madhe kombëtare dhe personalitet i shquar, me kontribute të mëdha në të gjitha fushat për lirinë dhe pavarësinë e Kosovës!

Faik Rexhepi nga Lugina e Preshevës, inxh. i kimisë, i diplomuar në Universitetin e Prishtinës!
Pjesmarrës në demonstratat e vitit 1981 në Prishtinë!
I punësuar Inxh. në Feronikel në Drenas!
Atdhetar dhe pjesmarres në Demonstratën e 29 Gushtit 1990 në Prishtinë!

Hydajet Hyseni, ka kryer akt të lartë atdhetar e patriotik, duke mbajtur fjalimin historik në Qendër të Prishtinës, nuk ka shtatore duke mbajtur fjalim para Komitetit Krahinor të Prishtinës të LKJ-së?
Faik Rexhepi, ka kryer akt të lartë atdhetar e patriotik, duke qëndruar ulur në demonstratën popullore, përballë policisë serbe në Qendër të Prishtinë, ka shtatore aty ku ka qëndruar ulur!

Faik Rexhepit i është ngritur monumenti sa ishte gjallë!

Propozoj që edhe Hydajet Hysenit, ngjashëm sikur Faik Rexhepit, t’i ngritet Shtatorja e derdhur në bronz duke mbajtur fjalim me Megafon , në Prishtinë, para ish – Selisë së Komitetit, ashtu sikur ju ngrit shtatorja Faik Rexhepit, ulur, aty ku ishte gjatë Demonstratës para Grandit!

I kërkoj Hydajet Hysenit pubilikisht, ta pranojë propozimin tim për ngritje të Shtatores, ngjashëm sikur pranoi Faik Rexhepi sa ishte gjallë!

I kërkoj Hydajet Hysenit publikisht, të mos e kundërshtojë propozimin për ngritje të Shtatores, ngjashëm sikur nuk e kundërshtoi Faik Rexhepi sa ishte gjallë!

Kërkoj nga Shoqata e ish- të Burgosurve Politik Shqiptar të Kosovës dhe Viseve të saja në ish- Jugosllavi, respektivisht nga Kryetari Shefik Sadiku, dhe nga Shoqëria “Lëvizja” respektivisht nga Kryetari Xhevat Bislimi, jo vetëm ta përkrahin këtë propozim, por edhe të angazhohen e të koordinohen konkretisht për të drejtuar kërkesën te Kryetari i Prishtinës Përparim Rama, dhe në institucionet tjera shtetërore, për derdhjen e shtatit të Hydajet Hysenit në bronz me Megafon, dhe vendosjen e Shtatores së Tij në Prishtinë, aty ku e ka mbajtur fjalimin historik, më 1 Prill 1981!

Ismet Sylejmani,
Prishtinë, 2 Prill 2025!