Ish-anëtari i Partisë Socialdemokrate Bjelloruse, Ihar Lednik (64), vdiq në një burg në Bjellorusi, raporton Ansa.

Lednik u dënua me tre vjet burg për shpifje ndaj presidentit të atij vendi, Aleksandër Lukashenko.

“Ihar Lednik, ish-anëtar i Partisë Socialdemokrate të Bjellorusisë, aktivist dhe gazetar ka vdekur në burg në moshën 64 vjeçare”, njoftoi partia në Telegram, ndërsa lajmin e konfirmoi organizata joqeveritare për të drejtat e njeriut “Vyasna”.

Ai u arrestua në dhjetor 2022 dhe u dënua me tre vjet burg për shpifje ndaj Lukashenkës, pas një botimi në gazetën e Partisë Socialdemokrate.

Partia e tij theksoi se gjatë periudhës së burgut gjendja e tij “u përkeqësua ndjeshëm” dhe ai iu nënshtrua një operacioni për një problem gastrointestinal, si dhe vuante nga një problem në zemër, por nuk u dha për shkak të vdekjes.

Liderja e opozitës bjelloruse Svetlana Tihanovska ka njoftuar në platformën “X” (Twitter) për vdekjen e Lednikut.

“Zemra ime është thyer pas vdekjes së të burgosurit politik Lednik, një nga liderët e Partisë Socialdemokrate Bjelloruse dhe një luftëtar i palodhur i lirisë. Kjo vdekje është një simbol tragjik i brutalitetit të regjimit të Lukashenkos. Ai duhet të përgjigjet për vdekjen e të gjithëve, për çdo hero të rënë”, tha Tihanovska.