Edhe një i vdekur nga Covid-19 në Kosovë
Edhe një qytetar i Kosovës ka vdekur për shkak të koronavirusit të ri.
Viktima e fundit e Covid-19 është një qytetar i fshatit Beguncë të Vitisë.
Lajmin e ka bërë të ditur drejtoresha e Qendrës Kryesore të Mjekësisë Familjare të Vitisë, Vjollca Kadolli.
Ky është postimi i plotë i drejtoreshës së QKMF-së në Viti:
Virusi po vret!
Fatkeqësisht, çdo ditë po merre jetë. Sot kemi humbur një qytetar nga fshati Beguncë.
Shpreh ngushëllimet më të sinqerta familjes nga Begunca për humbjen e familjarit të tyre. Humbja e tij, duke llogaritur jetën dhe veprat e tij është humbje e madhe për tërë Vitinë dhe Kosovën.
Sipas Institutit Kombëtar të Shëndetësisë Publike, deri më sot në Kosovë janë 17.422 qytetarë të infektuar me koronavirus, prej tyre 1,871 janë shëruar e 657 kanë vdekur.