Pas fitores bindëse në turneun e futbollit të vogël, të organizuar nga FFSHGJ-Gjermani, FC Kosova Düsseldorf edhe një herë dëshmoi seriozitetin, kompaktësinë dhe përkushtimin për arritjen e objektivave më të larta. Përveç marrjes së kupës, lojtarët tanë më të mirë dhe presidenti u dekoruan nga kjo federatë, një nder që vlerësohet shumë nga klubi. Si kryesi, shprehim mirënjohjen tonë të thellë për të gjithë sektorët e sportit, lojtarët, publikun e mrekullueshëm dhe sponsorët, të cilët i japin shpirt dhe kuptim këtyre sukseseve.

Dje ishim dëshmitarë të një tjetër triumfi, ku FC Kosova, si mysafir në një ndeshje miqësore kundër Niderwenugern (anëtare e Oberligës), arriti një fitore të thellë me rezultat 4-1. Kjo fitore u arrit pavarësisht sfidave në fushë, ku fer-play-i mungonte nga ekipi kundërshtar.

Publiku ynë besnik ishte prezent, ndërsa një mysafir i veçantë, trajneri i Superligës së Kosovës, z. Besart Cecelia, ndoqi nga afër ndeshjen dhe e vlerësoi performancën e ekipit si të një niveli të lartë.

Pas përfundimit të lojës, si zakonisht, një pjesë e kryesisë dhe sponsorët u mblodhën për një darkë relaksuese, organizuar nga nënkryetari dhe njëkohësisht sponsori i klubit, z. Rrahim Hyseni. Kjo ishte një mundësi për të festuar suksesin dhe për të diskutuar hapat e mëtejshëm drejt synimit tonë, hyrjes në Oberligë.

Në këtë mbrëmje ishin të pranishëm edhe personalitete të respektuara si:
z. Behar Isma, konsulli i përgjithshëm në detyrë, i cili uroi ekipin për sukseset e arritura,
z. Besart Cecelia, trajner i Superligës së Kosovës, i cili vlerësoi nivelin e lartë të lojës së ekipit tonë,
z. Sylejman Jakupi, sponsor i respektuar dhe kontributdhënës i shquar,
z. Bujar Neziri, president i FC Kosova,
prof. Shabi Rekaj, sekretar i klubit,
gazetari i njohur nga Pogradeci, z. Flori Sllatina,
anëtari i kryesisë, z. Muhamet Vila, dhe
aktivisti i mirënjohur, z. Naimi.

Biseda u zhvillua në një frymë vëllazërore dhe diskutimet ishin të frytshme dhe përmbajtësore. Secili nga të pranishmit dha kontributin e vet për të mbështetur qëllimet tona të përbashkëta.

Me shpresë dhe përkushtim, synojmë që këtë sezon të arrijmë objektivin e madh: hyrjen në Oberligë!
Rrugëtimi vazhdon!
FC Kosova Düsseldorf e.V.❤️🖤
Forca FC Kosova Düsseldorf 🇦🇱