Edhe një viktimë nga koronavirusi, vdes 63-vjeçari nga Gjilani

01 korrik 2020 | 14:16

Komuna e Gjilanit në ditën e 111 të ballafaqimin me pandeminë globale Covid-19, ka marrë lajmin nga Klinika Infektive në Prishtinë se ka ndërruar jetë Isuf Murati, i lindur në vitin 1957, me vendbanim në Gjilan, i cili ishte i diagnostifikuar me Covid-19.

Lajmin e ka konfirmuar kryetari i Gjilanit, Lutfi Haziri. “Fatkeqësisht në përballjen me pandeminë globale Covid-19, sot nga jeta është ndarë edhe qytetari i Gjilanit, i katërti në këtë pandemi, Isuf Murati. Nga njoftimi që kemi marrë prej Qendrës Klinike Infektive në Prishtinë, sot ishte një lajm i vështirë për të gjithë ne. Ngushëllojmë familjen dhe garantojmë se do të jemi pranë tyre në këto ditë të vështira, sepse nuk e kanë të lehtë ballafaqimin me këtë ndarje nga më i dashuri i tyre. Ceremonia e varrimit do të organizohet nga Komuna e Gjilanit në kushte pandemie”, ka thënë kryetari Haziri.

Haziri u ka bërë thirrje qytetarët, bizneset dhe institucionet që në asnjë moment mos ta neglizhojnë këtë virus, sepse ai me vete po merr jetëra njerëzish.

“Apeloj te të gjithë qytetarët ti respektojnë masat mbrojtëse sipas rekomandimeve të profesionistëve, maskat, dorezat, distanca, sepse janë baza e të jetuarit në përditshmërinë tonë. Nuk duhet shmangur këto rekomandime sepse ky virus është një kërcënim i shëndetit publik. Mos jep shërbim dhe mos u shërbe askund, nëse nuk përdoren masat mbrojtëse. Kujdes maksimal për të gjithë kudo që jeni”, ka thënë Haziri.

Lajme të sponsorizuara

Të fundit
Më 1 korrik, ishte planifikuar që pishina e Gërmisë t’i…