Kryeministri i Kosovës, Ramush Haradinaj ka bërë të ditur se është ndaluar në pikën kufitare në Merdarë nënkryetari i Partisë Liberale të serbëve të Kosovës, njëherësh zëvendësministër në Ministrinë e Kulturës, Rinisë dhe Sportit, Boban Stankoviç. 

Ditë më parë në Merdare është ndaluar për disa orë e më pas është liruar edhe deputeti i Kuvendit të Kosovës, Sllobodan Petroviq.

Haradinaj këtë ndodhi e ka konsideruar si provokim dhe qasje jokonstruktive e shtetit serb ndaj qytetarëve të Kosovës.

I pari i qeverisë ka theksuar se Stankoviç po merret në pyetje nga zyrtarë të BIA-së serbe.