Rreth 22 mijë shërbyes civilë në administratën lokale dhe qendrore në Kosovë të martën kanë filluar grevë njëorëshe, duke kërkuar nivelizim të pagave me sektorë të tjerë publikë.

Kryetari i Sindikatës së Shërbimit Civil të Kosovës, Mursel Zymberi, ka thënë për “Radion Evropa e Lirë” së shërbyesit civilë ndjehen të diskriminuar dhe nuk trajtohen të barabartë sa i përket nivelit të pagave.

Zymberi ka thënë se nëse Qeveria ë Kosovës nuk reflekton karshi kërkesave të shërbyesve civilë, greva mund të mbahet gjatë orarit të plotë të punës, nisur nga e mërkura.

Paga mesatare e shërbyeseve civilë në Kosovë është 340 euro.

Sistemi i arsimit në Kosovë tashmë ka hyrë në javën ë tretë të grevës, duke kërkuar rritjen e koeficientit të pagës për 30 për qind.

Në grevë për më shumë së një muaj janë edhe mjekët kirurgë në Kosovë.

Ligji për pagat është në fazën e shqyrtimit parlamentar, kurse më 31 janar pritet që të procedohet në Kuvend për miratim.