Pasditen e 4 shtatorit ashtu siç pritej, kryeministri i Shqipërisë, Edi Rama, ka prezantuar emrat e ri në kabinetin Qeverisës.

Ikje dhe lëvizje mes posteve.

Kështu, Olta Xhaçka, nuk do të jetë më ministre e Evropës dhe Punët e Jashtme, pasi ky pozicion do të mbahet nga Igli Hasani.

Delina Ibrahimaj te ministria e Financave dhe Ekonomisë do t’ia lirojë vendit, Ervin Metes, dhe tashmë ajo do të jetë ministër Shteti për Sipërmarrjen dhe Klimën e Biznesit.

Pozicioni ky që i ishte besuar më herët Edona Bilalit.

Ogerta Manastirliu do të jetë ministre për Arsimin dhe Sportin, post i mbajtur nga Evis Kushi.

Manastirliu postin e Shëndetësisë dhe Mirëqenies Sociale do t’ia lërë Albana Koçiut.

Një emër i ri në kabinet do të jetë Arbjan Mazniku, i cili do të mbulojë ministrinë e Shtetit për Pushtetin Vendor.

Po ashtu, Frida Krifca, nuk do të jetë më ministre e Bujqësisë, pasi ministria tashmë do të drejtohet nga ish-ministrja e Ekonomisë, Anila Denaj.

Gjithashtu Rama tha se, në tetor do të mblidhet kongresi i PS-së, ku do të miratohen ndryshimet në strukturë të sekretariatit të PS-së.

“Me propozim të sekretarit Përgjithshëm në detyrë, Blendi Klosi, unë ju kërkoj të miratoni këtë strukturë dhe përbërjen e re të Sekretariatit të Partisë, të cilin do ta votojë asambleja në Kongres”.

Konkretisht

Sekretar Organizativ, Ardian Çela.

Sekretar i Burimeve Njerëzore, Eduart Ndreca.

Sekretare e Gruas, Evis Kushi.

Sekretar Digjital, Etjen Xhafa.

Sekretare për Marrëdhëniet me Jashtë, Romina Kuko.

Sekretar për Çështjet Zgjedhore, Eridjan Salianji.