Kryeministri i Shqipërisë dhe lideri i Partisë Socialiste (PS), Edi Rama ka reaguar pas vendimit të opozitës shqiptare për të nënshkruar një koalicion në mes të partive të cilët nuk do të pranojnë të hyjnë në zgjedhje pa u realizuar kërkesat e tyre.

Rama ka theksuar sot se vendimi i opozitës është i padëgjuar më parë. Sipas tij më 30 qershor qytetarët do të flasin me votë në çdo bashki.

“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s’e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki”, ka thënë Rama