Me propozim të kryeministrit të Shqipërisë, Edi Rama dhe me miratimin e dy qeverive (Kosove-Shqipëri), zëvendëskryeministri i Kosovës, Fatmir Limaj, është emëruar koordinator kombëtar i dy qeverive për mbikëqyrjen dhe zbatimin e marrëveshjeve të arritura mes dy vendeve.

Kryeministri Edi Rama në llogarinë e vet në “Twitter”, ka publikuar një fotografi me Limajn.

“Me Fatmir Limajn, i sapozgjedhur Koordinator Kombëtar i programit të përbashkët të dy qeverive”, ka shkruar Rama.