Edi Rama poston fotografi nga vaksinimi i mjekëve nga Kosova në Kukës
20 mars 2021
| 18:24
Kryeministri i Shqipërisë, Edi Rama, i ka postuar disa fotografi ku shihen pjesëtarë të personelit mjekësor të Kosovës duke u vaksinuar në Kukës kundër COVID-19.
Rama në llogarinë e tij në Facebook ka shkruar “Jena 1”.
Kujtojmë se të enjten, kryetari i Federatës Sindikale të Shëndetësisë, Blerim Syla, ka bërë të ditur se ka marrë një telefonatë nga Kryeministri i Shqipërisë, Edi Rama, i cili ka konfirmuar sigurimin e vaksinave të para për punëtorët shëndetësorë.
