Kryeministri i Shqipërisë, Edi Rama, është takuar me homologun e tij të sapozgjedhur britanik, Keir Starmer.

Rama tha se kjo është biseda e parë me Starmer, për të cilën tha se u zhvilluar në një nga parqet e pallatit ku lindi e kaloi një pjesë të jetës së tij paraardhësi i tij, Winston Churchill.

“Biseda e parë me kryeministrin e sapozgjedhur britanik, Keir Starmer, në një nga parqet e mahnitshme të pallatit ku lindi e kaloi një pjesë të jetës së vet legjendare, paraardhësi i tij Winston Churchill”, shkroi Rama, transmeton Klankosova.tv.

Takim me Starmerin sot pati edhe presidentja e vendit, Vjosa Osmani, e cila po e përfaqëson Kosovën në Samitin e Komunitetit Politik Evropian.