Ish-kryenegociatorja e Kosovës në dialogun me Serbinë në Bruksel, Edita Tahiri, ka thënë se shefi i diplomacisë së Bashkimit Evropian, Josep Borrell dhe emisari special i BE-së për dialogun Kosovë-Serbi, Miroslav Lajçak duhet të japin dorëheqje.

Kërkesa e Tahirit për dorëheqjen e Borrellit dhe Lajçakut vjen për shkak të situatës se tensionuar në veri.

“Josep Borrell dhe Miroslav Lajçak duhet të japin dorëheqjen menjëherë si ndërmjetësuesit e BE-së për paqen në mes të Kosovës dhe Serbisë. Në vend që të krijonin marrëdhënie paqësore fqinjësore, ata përfunduan duke sjellë dhunën e kriminelëve të Vuçiqit kundër paqeruajtësve të NATO-s në Kosovë”, ka shkruar Tahiri në “Twitter”.

@JosepBorrellF and @Miroslavlajcak should resign immediately as @EU' mediators for peace between🇽🇰🇷🇸. Instead of brining peaceful neighborly relations they ended up bringing @avucic ' criminals' violence against @NATO_KFOR peacekeepers in #Kosovo

— Edita Tahiri (@EditaTahiri) May 30, 2023