Egjipti refuzon propozimin për korridorin e evakuimit nga Gaza
12 tetor 2023
| 09:47
Qeveria egjiptiane ka refuzuar çdo propozim për të krijuar korridore jashtë Gazës për palestinezët që ikin nga bombardimet hakmarrëse të Izraelit në Gaza, thotë një zyrtar i lartë egjiptian.
Lajmi u bë i ditur nga agjencia “The Times of Israel”.
Zyrtari, i cili flet në kushte anonimiteti sepse nuk ishte i autorizuar për të informuar mediat, po i përgjigjej zëdhënësit të Sigurisë Kombëtare të Shtëpisë së Bardhë, John Kirby, i cili tha se administrata Biden është në biseda aktive për të arritur një kalim të sigurt nga Gaza për civilët.
Egjipti është angazhuar me bisedime intensive me Izraelin dhe Shtetet e Bashkuara për të lejuar dërgimin e ndihmave dhe karburantit përmes pikës së tij të kalimit në Rafah.