Çdo vit ekipet e KFOR -it për Shkatërrimin e Mjeteve Shpërthyese (EOD) kryejnë qindra detyra në Kosovë duke filluar nga neutralizimi i bombave dhe armëve të vjetra deri te kontrollimi i zonave specifike me ndihmën e qenve ushtarakë. Megjithëse situata në terren është përmirësuar në mënyrë të dukshme që kur operacioni i udhëhequr nga NATO filloi në vitin 1999, pas Rezolutës 1244 të Kombeve të Bashkuara, ka ende mbetje të vjetra të konflikteve, disa që datojnë që nga Luftërat Botërore.

Një numër në rritje i detyrave kryhen në partneritet me Forcat e Sigurisë së Kosovës ose ekipet e Policisë, të cilat po zhvillojnë aftësitë e tyre në këtë fushë specifike dhe të ndjeshme dhe po veprojnë në shumë raste si përgjegjësit e parë.

Ekipet janë në gatishmëri 24 orë në ditë dhe shtatë ditë në javë, dhe në 12 muajt e fundit specialistët austriakë, zviceranë, amerikanë dhe ukrainas u angazhuan 129 herë dhe shkatërruan 96 bomba të pashpërthyera dhe 33 armë.

Puna është bërë nga ushtarë jashtëzakonisht të trajnuar mirë, të cilët marrin një arsim shumë kompleks dhe të plotë – operatorët e Shkatërrimit të Mjeteve Shpërthyese në të vërtetë duhet të njohin një bombë midis qindra llojeve para se të ndërhyjnë – dhe gjithashtu janë entuziast të ndajnë njohuritë e tyre me njësitë në terren, pasi mjetet e pashpërthyera janë një nga kërcënimet kryesore për paqeruajtësit dhe popullatën lokale, mbrojtja e të cilëve është objektivi i vërtetë për KFOR-in dhe partnerët e tij të sigurisë.

Puna e një njeriu që shfrytëzon teknologjitë moderne, si detektorët e minave dhe robotët, këta të fundit në gjendje të inspektojnë dhe të shkatërrojnë një mjet shpërthyes, në një mënyrë të largët dhe të sigurt për operatorin. Operatorët zakonisht mbajnë një anti-bombë kostum 30 kg dhe një helmetë me peshë 7 kg, kur i afrohen një mjeti shpërthyes.

Të gjithë specialistët e Shkatërrimit të Mjeteve Shpërthyese janë krenarë, pa mburrje, që janë pjesë e një komuniteti të ushtarëve të veçantë që ndajnë vlera dhe profesionalizëm, përveç se ndajnë në një mënyrë konstruktive mësimet që ata marrin nga terreni. Dhe ata që veprojnë me misionin e udhëhequr nga NATO në Kosovë e dinë se qetësia, siguria dhe liria e lëvizjes që gëzojnë të gjitha komunitetet që nga viti 1999 u detyrohen gjithashtu atyre.