![](https://www.epokaere.com/wp-content/uploads/2021/02/reshje-shiu-vershime-koha-morti.jpg)
Ekipet emergjente në Prishtinë, të gatshme pas paralajmërimit për vërshime
Komuna e Prishtinës ka bërë të gjitha përgatitjet pas paralajmërimeve nga Instituti Hidrometeorologjik i Kosovës se në ditët në vijim mund të ketë erëra të forta dhe vërshime nga reshjet e shiut.
Të paktën kështu po thotë drejtori për Siguri dhe Emergjenca në kryeqytet Lulzim Fushtica.
Ai ka thënë është funksionalizuar shtabi emergjent dhe se të gjitha ekipet janë në gatishmëri 24- orë për çdo nevojë që kanë qytetarët.
“Kemi funksionalizuar shtabin emergjent, janë në gjendje gatishmërie. Stafi emergjent në gatishmëri, janë mbolizu të gjitha ekipet. Jemi të gatshëm të intervenojmë në çdo kohë 24 orë për çdo thirrje që nevojë që kanë qytetarët”, u shpreh Fushtica.
Ai ka bërë me dije se gjatë verës kanë intervenuar edhe në çatitë e disa objekteve që kanë paraqitur rrezik, por shtojë se për objektet e banimit janë përgjegjës vet banorët për mirëmbajtjen e tyre.