Ekipi i xhudos së Kosovës po merr pjesë në aktivitetin e parë të këtij viti, kampin olimpik në Mitersill të Austrisë.

Në këtë Kamp Olimpik po marrin pjesë rreth 1 000 garues nga 55 shtete.

Ky është edicioni i 30-të i organizimit të këtij Kampi Olimpik në Mitersill të Austrisë. Pjesë e kampit nga Kosova janë ekipi Olimpik dhe partnerët e tyre.

“Përgatitjet po shkojnë mirë, stërvitjet po zhvillohen dy herë në ditë, të koncentruar tek ndeshjet”, thuhet në njoftimin e Federatës së Xhudos së Kosovës.