Ministri britanik Nadhim Zahawi i angazhuar për vaksinimin e popullatës, ka konfirmuar se në mbarë botën aktualisht ekzistojnë 4 mijë variante të viruseve që shkaktojnë COVID-19, kështu që të gjithë prodhuesit po tentojnë të përmirësojnë efikasitetin e tyre, shkruan Sky News.

“Ekzistojnë shumë pak gjasa që vaksina aktuale të mos jetë efikase ndaj varianteve tjera. Të gjithë prodhuesit Pfizer, BioNtech, Moderna dhe AstraZeneca dhe tjerat po bëjnë të pamundurën që të përmirësojnë vaksinat e tyre për të qenë të sigurt që jemi të gatshëm për çfarëdo lloj varianti – e në mbarë botën ekzistojnë 4 mijë mtuacione”, ka thënë Zahawi.

Mijëra variante të koronavirusit janë konfirmuar derisa virusi po pëson mutacione, përfshirë variantin britanik, të Afrikës së Jugut dhe të Brazilit për të cilët pretendohet se përhapen më shpejtë nga tjerët, e vetëm një numër i vogël i këtyre mutacioneve do të jenë të rëndësishme që ta ndryshojnë virusin në mënyrë drastike”, ka shtuar ministri britanik.

Efekti vaksinave

Shkencëtarët gjithashtu kanë parë antitrupat tek njerëzit e vaksinuar me cilindo prej dy vaksinave të bazuara në ARN nga Pfizer dhe Moderna.

Në studimet nga New York dhe Texas, u zbulua se efektiviteti i vaksinës për të mbrojtur nga variantet që mbartin mutacionin E484K ishte ulur pak për disa njerëz.

Sidoqoftë, ata thanë se ishte akoma brenda një niveli të pranueshëm.

Sidoqoftë, një studim nga Kembrixh zbuloi se antitrupat nga tre – pesë persona kishin një rënie më të madhe se 4 kur sfidoheshin me një virus që mbart mutacionin E484K.

Dr Crossan shpjegoi: “Një ndryshim kryesor midis studimeve të Kembrixhit dhe SH.B.A.-së është se studimet e Sh.B.A-së përdorën variantin e Afrikës së Jugut, ndërsa studimi i Kembrixhit prezantoi mutacionin E484K në variantin e MB (B117) dhe e përdori atë në testet e tyre.

“Kjo mund të tregojë se raportet e fundit për zbulimin e këtij mutacioni në B117 duhet të shqetësojnë më shumë zyrtarët e shëndetësisë në Mbretërinë e Bashkuar sesa importimi dhe qarkullimi pasues i variantit të Afrikës së Jugut.

“Vlen të kihet parasysh, megjithatë, se studimet e mësipërme bazohen në numra shumë të vegjël të mostrave dhe çdo përfundim duhet të nxirret me kujdes.