Në El Salvador ka rritje të skepticizmit në kohën kur shteti po përgatitet të bëhet i pari në botë që të njohë Bitcoinin si monedhë të ligjshme, duke filluar nga 7 shtatori.

Qeveria e El Salvadorit e ka paraqitur masën si një mënyrë për të rritur zhvillimin ekonomik dhe vendet e punës.

Ndërkohë, sondazhet sugjerojnë se qytetarët salvadorian nuk janë të përgatitur për këtë lëvizje, derisa edhe Banka Botërore është paraqitur kundër adoptimit të monedhës digjitale si legale.

Ndërkaq, analistët kanë deklaruar se kjo është “një lëvizje përmes së cilës kërkohet rritje e vëmendjes” nga një “regjim autoritativ”.

Dita historike e javës së ardhshme pason një votim nga ligjvënësit në qershor të këtij viti, për legalizimin e kriptomonedhës.

Sipas ligjit El Salvadorit për Bitcoin , bizneset do të jenë të detyruara ta pranojnë atë ose dollarin amerikan, monedhën tjetër zyrtare të vendit, si pagesë.

Më shumë se 200 makina të reja të keshit janë duke u instaluar nëpër El Salvador, të cilat mundësojnë që dollari të konvertohet në Bitcoin.

Disa protesta në kryeqytetin San Salvador kanë dëshmuar një mëdyshje në mesin e qytetarëve, shumë prej të cilëve ende nuk janë familjarizuar me kriptovalutën.

Ndërkaq, një hulumtim i kryer nga Universiteti i Amerikës Qendrore gjeti se vetëm 4,8% nga 1,281 respodentë, e kuptonin se çka është Bitcoini dhe se si përdoret ai.

Sipas sondazhit, më shumë se 68% e të anketuarve theksonin se nuk pajtohen me përdorimin e tij si valutë zyrtare.