KF Dukagjini nga Klina është përforcuar me sulmuesin Elan Raci. 21-vjeçari ka vendosur t’i bashkohet skuadrës që drejtohet nga Ismet Munishi, pas një aventurë në futbollin zviceran.

“Kemi kënaqësinë t’iu njoftojmë për marrëveshjen e arritur me sulmuesin e ri, Elan Raci. 21-vjeçari ka vendosur që të vazhdojë karrierën në atdhe, pas disa aventurave në Zvicër. Elani së fundi ishte pjesë e të rinjve të Neuchatel Xamax FCS. Ai është bashkë me pjesën tjetër të ekipit në fazën përgatitore në Turqi dhe është gati të japë kontributin e tij për arritjen e objektivave. Mirë se vjen në shtëpi, Elan Raci!”, thuhet në njoftimin e Dukagjini.