Miliarderi Elon Musk ka publikuar një foto në platformën e tij, X, ku në mënyrë të çuditshme krenohet për humbjen e peshës. Në foto, ai pozon pranë një bredhi të Krishtlindjes, i veshur me një kostum të Babagjyshit.

“Ozempic Babagjyshi,” shkroi ai krahas fotos, duke aluduar se po përdor ilaçin që zakonisht përdoret për trajtimin e diabetit të tipit 2, por që është bërë i njohur edhe për një efekt anësor të papritur – humbjen e ndjeshme të peshës.

Postimi i tij grumbulloi mbi 36 milionë shikime brenda më pak se 24 orësh. Megjithatë, përdoruesit në platformën X nuk humbën rastin për të bërë shaka, duke lënë komente argëtuese.

“Ke mjaftueshëm para për të pasur ushqime të përgatitura pa shumë yndyrë, gjë që të ndihmon të humbësh peshë. Ka qenë kaq e thjeshtë,” i shkroi dikush. Një tjetër komentoi: “Babagjyshi ka humbur peshë shumë shpejt”.

Disa përdorues nisën të ndajnë meme ku Musk shfaqet si një Babagjysh i shëndoshë, i veshur me kostumin klasik, ndërsa të tjerë e përshkruan në sajë të pazakonta.

Një përdorues vuri në dukje: “Ky Babagjysh ka pasuri prej 500 miliardë dollarësh,” ndërsa disa të tjerë nuk nguruan t’i kërkojnë një shtëpi si dhuratë për Krishtlindje. 

Ozempic Santa has a self-driving sleigh pic.twitter.com/OGidVd3MD7

— Don Juan Cornelius (@ThatCrazyHonk) December 26, 2024

Musk is making X great!! pic.twitter.com/NNWnl6GfbW

— Zainab (@ZainabRealx) December 26, 2024

Snailbrook Santa pic.twitter.com/LLNR0lmija

— SnailBrook (@SnailBrookAI) December 26, 2024