Avni Gashi, është emëruar ushtrues detyre i drejtorit të Agjencisë Kosovare për Akreditim (AKA).

Ministria e Arsimit, Shkencës dhe Teknologjisë ka zëvendësuar ushtruesin e Detyrës së Agjencisë Kosovare e Akreditimit, gati një muaj pas shkarkimit të zyrtares së kaluar që mbante këtë pozitë.

Në vendimin e siguruar nga “Kallxo.com”, të nxjerrë më datën 13 të këtij viti, ministri i Arsimit, Shyqyri Bytyqi ka vënë në krye të kësaj agjencie, Avni Gashin.

Puna e tij si ushtrues detyre do të vazhdojë derisa me konkurs të rregullt të zgjidhet një drejtor i AKA-së.

Ministri i Arsimit, Shkencës dhe Teknologjisë kishte marrë vendim për shkarkimin e Shyhrete Reqicës nga pozita e Ushtrueses së Detyrës në Agjencinë Kosovare të Akreditimit.

Sipas vendimit arsyeja është moskryerja e obligimeve në bazë të përgjegjësive të ngarkuara dhe efikasitetit të punës së AKA-së.