Ben Emmerson, avokati i ish-kryetarit të PDK-së, Kaderi Veseli, ka thënë se klienti i tij është paraqitur vullnetarisht në Gjykatën Speciale, pas konfirmimit të aktakuzës, raporton “Epoka e re”.

Në seancën e parë, para Dhomave të Specializuara në Hagë, ai ka kundërshtuar procesverbalet e Speciales në të cilat thuhet se ish-kreu i PDK-së është arrestuar.

“Ju si gjykatës duhet të dini që zotëri Veseli erdhi në gjykatë me marrëveshje për të ardhur vullnetar”, ka thënë Emmerson.