Ministri në detyrë për Evropë dhe Punë të Jashtme të Shqipërisë, Gent Cakaj, ka zhvilluar një bisedë virtuale me kongresmenin amerikan, Eliot Engel.

Cakaj ka thënë se Engeli e ka siguruar atë se do të punojë ngushtë me administratën e presidentit amerikan, Joe Biden, për t’i dhënë vëmendjen e duhur shqiptarëve në Kosovë dhe Shqipëri.

“Kosova e Shqipëria gjithmonë do të kenë një vend të veçantë në zemrën time – kështu më tha sot kongresmeni Eliot Engel në një mbledhje virtuale Na siguroi se do të punojë ngushtë me administratën e Bidenit për t’i dhënë vëmendjen e duhur Kosovës, Shqipërisë, shqiptarëve! Falënderues e mirënjohës për çdo gjë që ka bërë për ne deri më sot, nga kundërshtimi i regjimit të Millosheviqit deri tek mbështetja e Kryesisë shqiptare të OSBE-së! Faleminderit nga zemra kongresmen!”, ka shkruar Cakaj në llogarinë e vet në “Facebook”.