Enver Berisha është rikthyer në Aleancën për Ardhmërinë e Kosovës (AAK).

“I dëshirova mirëseardhje në shtëpinë e vet, kolegut tonë shumëvjeçar Enver Berisha. Aleanca është e hapur për secilin që beson në vizionin dhe orientimin e saj atdhetar. Kolegët nga komuna e Klinës, që janë shembull për qeverisjen lokale në vend, i falënderova për kontributin dhe angazhimin e tyre të vazhdueshëm”, ka shkruar Haradinaj në “Facebook”.

Berisha kohëve të fundit ka qenë pjesë e PDK-së në Klinë.

Dega e PDK-së në këtë qytet ka njoftuar se Berisha është përjashtuar nga partia për shkak se ka bërë pazare me AAK-në për të përfituar personalisht dhe familjarisht pozita udhëheqëse në qeverisjen lokale.