Në prag të ndërrimit të moteve, ish-ministri i Jashtëm, Enver Hoxhaj, ka vizituar sot përfaqësuesit e tri shtyllave kryesore të sigurisë dhe mirëqenies së qytetarëve, Policinë e Kosovës, ekipet e emergjencës mjekësore dhe zjarrfikësit.

Në një atmosferë falënderimi dhe vlerësimi, Hoxhaj i ka cilësuar këta profesionistë si “superheronjtë tanë të përditshëm”, duke nënvizuar rëndësinë e punës dhe sakrificës së tyre, veçanërisht gjatë festave.

Ai ka shprehur mirënjohjen për angazhimin dhe guximin e tyre, që janë themelore për sigurinë dhe mirëqenien e komunitetit.

“Ditën e fundvitit me Superheronjtë tanë ! Në Suharekë sot pata nderin t’i takoj tri shtyllat kryesore të sigurisë dhe mirëqenies së qytetarëve, të cilët janë gjithnjë në shërbim të qytetarit, edhe në ditë festash. Pjesëtarët e Policisë , ekipet e emergjencës  dhe zjarrfikësit  i falenderova për guximin, sakrificën dhe profesionalizimin e tyre të jashtëzakonshëm! Respekt dhe mirënjohje e pafund për gjithçka që bëni! ”, ka shkruar Hoxhaj, ku ka publikuar edhe një video nga vizitat.