Kuvendi i Kosovës me 80 vota  për, asnjë kundër dhe asnjë abstenim, Enver Hoxhaj nga Partia Demokratike e Kosovës është zgjedhur nënkryetar i Kuvendit të Kosovës.

Shefi i grupit parlamentar të PDK-së, Abelard Tahiri ka thënë se Hoxhaj është i zgjedhuri i PDK-së për nënkryetar të Kuvendit, pas zgjedhjes së Bedri Hamzës kryetar i Mitrovicës.

Kryetari i Kuvendit të Kosovës, Glauk Konjufca ka njoftuar sot për zëvendësimin e dy deputetëve në Kuvendin e Kosovës.

Kjo pasi dy deputetë të Partisë Demokratike të Kosovës dolën fitues të dy komunave në zgjedhjet lokale të 14 nëntorit.

Kështu Rashit Qalaj do të jetë deputet në vend të Bedri Hamzës që u zgjodh kryetar i Mitrovicës dhe Isak Shabani do të jetë deputet në vend të Fadil Nurës që u zgjodh kryetar i Skenderajt.