Enzo Fernandez e ka refuzuar transferim nga Chelsea te Atletico Madridi pavarësisht interesimit të madh të klubit spanjoll. Mesfushori argjentinas mbetet i pabindur pavarësisht përpjekjeve të bashkëlojtarëve të tij te Kombëtarja e Argjentinës për ta joshur atë drejt një largimi nga Londra.

Sipas gazetarit të “Diario AS”, Eduardo Burgos, Fernandez tashmë ka refuzuar një qasje nga Atletico Madridi. Disa nga kolegët e tij reprezentues u përpoqën ta bindin atë të bashkohej me skuadrën e Diego Simeone gjatë pushimit të fundit ndërkombëtar, por përpjekjet e tyre deri më tani kanë qenë të pasuksesshme.

Fituesi i Kupës së Botës thuhet se po shijon jetën në Londër dhe nuk po kërkon aktivisht një lëvizje, pasi aty është edhe kapiten i ekipit.