Në Gllogjan të Deçanit sot është shënuar 25-vjetori i “Epopesë së Dukagjinit”, ku morën pjesë përfaqësues të institucioneve qendrore dhe lokale, përfaqësues të FSK-së, përfaqësues të organizatave të dala nga lufta e UÇK-së, familje të dëshmorëve dhe qytetarë të shumtë.

Më 24 mars të vitit 1998 në Gllogjan është zhvilluar beteja frontale mes forcave të UÇK-së dhe forcave të Serbisë, të cilat e kishin rrethuar Gllogjanin.

Synim kishin shtëpinë e familjes Haradinaj, ku hasën në rezistencë të fuqishme.

Në këtë ditë ranë dëshmorë Himë Haradinaj, Gazmend e Agron Mehmetaj.