![](https://www.epokaere.com/wp-content/uploads/2017/11/image.jpg)
Era e fuqishme, hoqi kulmin e muzeut në Malishevë
30 nëntor 2017
| 15:50
Si pasojë e erërave të fuqishme në territorin e Komunës së Malishevës, janë shkaktuar disa dëme, sidomos në kulme.
Më së keqi e ka pësuar muzeu i qytetit, ku rreth orës 10:10, era e fortë e hequr komplet kulmin e ndërtesës. Për fat të mirë, nuk ka të lënduar, edhe pse në atë moment ka pasur kalimtar të rastit përreth muzeut.
“Të gjitha ekipet e sigurisë dhe të emergjencave, kanë dalë në vendin e ngjarjes dhe janë duke u marrë me eliminimin e këtij dëmi dhe krijimin e sigurisë për qytetarë. Dëmi është i konsiderueshëm. Masa të menjëhershme ka marrë edhe komuna. Dëme më të vogla mund të shihen edhe në kulmet e ndërtesave tjera në qytet”, është thënë në njoftimin e Komunës së Malishevës.
![Image may contain: outdoor](https://scontent.fprx1-1.fna.fbcdn.net/v/t1.0-9/24232773_1962922113734298_3245473480503170122_n.jpg?oh=485dc1d475ca6e0842b48da6aad1dce9&oe=5A953422)
![Image may contain: outdoor](https://scontent.fprx1-1.fna.fbcdn.net/v/t1.0-9/24296331_1962922090400967_7752475233262822362_n.jpg?oh=bb6f486df2c0728550b413b26271ee2a&oe=5A9F2CBF)