Presidenti i Turqisë, Rexhep Taip Erdogan, ka deklaruar se integriteti territorial dhe sovraniteti i Ukrainës janë të padiskutueshme.

Duke folur në një konferencë për media së bashku me presidentin ukrainas, Volodymyr Zelensky, pas një takimi në Ankara, Erdogan ka thënë se Turqia është e gatshme që të mbajë bisedimet e ardhshme të paqes mes Rusisë, Ukrainës dhe SHBA-së, raporton BBC.

Asnjë zyrtar ukrainas nuk ishte i ftuar në bisedimet mes SHBA-së dhe Rusisë në Arabinë Saudite të martën.