“Turqia nuk do të largohet nga Siria derisa populli sirian të mbajë zgjedhje. Kurdoherë që populli sirian të vendosë të bëjë zgjedhje, ne do të largohemi nga Siria dhe do të dorëzojmë territorin te ata që do të fitojnë zgjedhjet e tyre”, ka thënë presidenti turk, Recep Tayyip Erdogan në një forum në Stamboll.

Erdogan u pajtua me presidentin rus, Vladimir Putin, muajin e kaluar për të ngritur një zonë të çmilitarizuar midis luftëtarëve rebelë dhe qeverisë në Sirinë veriore, ku edhe pritet që forca të dy vendeve të patrullojnë bashkë.