Pejanët mesnatën e së enjtes e kaluan duke u përballur me erërat e forta, të cilat kanë shkaktuar dëmtime të mëdha materiale.

Saktësisht në lagjen “Puhovë”, në rrugën “Lekë Dukagjini”, janë vërejtur vetura të dëmtuara rëndë, çati e objekte të shkatërruara, shtylla elektrike të rrëzuara, si pasojë e motit të ligë.

Poashtu është  vërejtur që edhe një autobus që sipas banorëve që ishin dëshmitarë të kësaj furtune, është lëvizur tërësisht nga vendi nga ku dhe ishte parkuar.