I dërguari amerikan për Ballkanin, Gabriel Escobar dhe emisari i Bashkimit Evropian për dialogun Kosovë-Serbi, Miroslav Lajçak kanë mbërritur në Beograd, raportojnë mediat serbe.

Së pari, dy emisarët kanë shkuar të takohen me drejtorin e të ashtuquajturës zyrë për Kosovën në qeverinë serbe, Petar Petkoviq.

Në këtë takim po merr pjesë edhe ambasadori amerikan në Beograd, Christopher Hill.

Edhe presidenti serb, Aleksandër Vuçiq do t’i presë në takim Escobarin dhe Lajçakun. Të mërkurën, dy emisarët u takuan në Prishtinë me presidenten Vjosa Osmani, kryeministrin Albin Kurti, si dhe me përfaqësues të opozitës.

Vizitat e emisarëve vijnë në kuadër të një përpjekjeje intensive të ShBA-së dhe BE-së që deri të mërkurën e javës së ardhshme t’i bëjnë Kurtin dhe Vuçiqin ta arrijnë një marrëveshje.