Një eurogol është shënuar në MLS Next Pro. Dueli Columbus Crew 2-Toronto FC II përfundoi 4-3, rezultat që u regjistrua pas kohës shtesë.

Koha e rregullt përfundoi në barazim 2-2. Anësori i majtë i Toronto FC II, Themi Antonoglou dërgoi takimin në shtesë me golin e shënuar në minutën e tretë shtesë.

21-vjeçari realizoi edhe një eurogol në minutën e katërt të shtesave, duke “shpikur” një gjuajtje nga mesi i fushës.

Topi përfundoi mbi portierin kundërshtar dhe Antonoglou nisi festën me shokët e ekipit.

Gjithsesi, gëzimi te Toronto FC II zgjati pak, pasi Columbus Crew 2 përmbysi gjithçka me dy gola në minutat e fundit dhe siguroi kualifikimin në finale.

https://www.youtube.com/watch?v=tjRZuA9iSJc

https://streamable.com/z0niyt