Një numër i përdoruesve të “Facebookut” u ankuan për një gabim të premten. Kur vizitoni profilet e njerëzve të tjerë, kërkesat për miqësi dërgohen automatikisht.

Shumë përdorues të “Facebookut”, pohuan se pas vizitës në profilet e të tjerëve, platforma dërgonte automatikisht kërkesa për miqësi.

Meta, kompania që zotëron “Facebookun”, njoftoi zyrtarisht se ata rregulluan gabimin “në lidhje me një përditësim të fundit të aplikacionit që shkaktoi dërgimin e gabuar të disa kërkesave për miqësi në Facebook”.

“Ne e parandaluam që kjo të ndodhte dhe kërkojmë ndjesë për çdo shqetësim”, thuhet në reagimin e tyre.

Gabimi i fundit vjen pasi kompania mëmë e Facebook, Meta, është në mes të largimeve masive nga puna, të cilat kanë bërë që kompania të pushojë të paktën 13 për qind të stafit të saj, duke pushuar nga puna më shumë se 11 mijë njerëz.

Muajin e kaluar, një problem me reklamat në Facebook ngarkoi shumë përdoruesit dhe e detyroi kompaninë të ndalonte për një kohë të gjitha reklamat.