Rrjeti social “Facebook” ka njoftuar se do të investojë 300 milionë dollarë gjatë tre viteve, kryesisht në SHBA, në projekte për të promovuar informacionin lokal, i cili vuan më tepër nga dominimi i internetit. “Ne do të vazhdojmë të luftojmë kundër informacioneve të rreme (lajmeve të rreme), keqinformimit dhe informacionit të cilësisë së dobët”, ka treguar në një mesazh të postuar në profilin e tij në “Facebook”, Campbell Brown, zëvendëspresident i kompanisë i ngarkuar për partneritetet me mediet. Ai ka shtuar se kjo kompani gjithashtu ka mundësinë dhe përgjegjësinë për të ndihmuar mediet lokale të rriten dhe të kenë sukses .

Në fillim të janarit 2017, rrjeti social nisi “Projektin e Gazetarisë në Facebook”, për të forcuar lidhjet e platformës me industrinë e medias.

Në atë periudhë bëhej fjalë kryesisht për t’u ofruar medieve zgjidhje për të përmirësuar të ardhurat që rrjedhin nga prania e tyre në “Facebook” dhe për të zhvilluar shkëmbime mes rrjetit social dhe organeve të medies./lexo.al/