Kryetari i Shoqatës së Invalidëve të Luftës së UÇK-së, Fadil Shurdhaj, ka rezultuar pozitiv në testin për Covid-19.

Lajmin e ka bërë me dije Shurdhaj në llogarinë e vet në “Facebook”.

Me këtë rast, ai u ka bërë apel të gjithë qytetarëve që t’i repsktojnë masat anti-Covid.

“Të nderuar kolegë,shokë dhe dashamirë, dua t’ju njoftoj që pas disa ankesave, më datë 05.09.2020 (ditë e shtunë) jam testuar për Covid-19 dhe kam rezultuar pozitiv.
I lus kolegët dhe shokët me të cilët kam qenë në kontakt kohëve të fundit të kenë kujdes të shtuar shëndetësor dhe në rast të ankesave të kontaktojnë IKSHPK-në. Po ashtu ju njoftoj që nuk do të jem pjesë e punës së përditshme, deri në komfirmimin e shërimit tim të plotë. Ju bëjë apel të gjithëve që të respektojnë masat dhe ruani shëndetin tuaj, sepse ky virus nuk qenka për t’u neglizhuar”, ka shkruar Shurdhaj.