Për shkak të shpërthimit të coronavirusit në gjithë botën, industria e automobilizmit ka pësuar deri më tani probleme të dukshme, ndërsa të tjera që konsiderohen shumë të mëdha, pritet të mësohen ndërkohë. Gjatë javës së kaluar është anuluar shfaqja e premierës së filmit të James Bondit, “No Time To Die”, ku përfshihen shumë skena me aksione veturash. Të njëjtin fat e ka pësuar edhe filmi i shumëpritur “Fast and Furious 9”, në të cilin pritet të shfaqen shumë vetura të reja dhe aksione dramatike. Aktori Vin Diesel ka bërë me dije se këtë film do të mund ta shfaqin në prill të vitit 2021.