![](https://www.epokaere.com/wp-content/uploads/2022/09/FD8589F0-2B0C-4C07-905E-A2DC2050C592.jpeg)
Fatos Nano do të operohet sërish
06 shtator 2023
| 08:22
Ish-kryeministri Fatos Nano, i cili ndodhet prej disa javësh në spital, i është nënshtruar këtë të martë një tjetër ndërhyrjeje kirurgjikale.
Ndërhyrja ka qenë në mushkëri dhe nuk do të jetë e fundit pasi lideri historik i PS do t’i nënshtrohet kësaj procedure pas një jave sërish.
Nano vuan nga një sëmundje Pulmonare Obstruktive Kronike e quajtur ndryshe si SPOK. Kjo patologji që prek mushkëritë dhe karakterizohet nga një ngushtim i rrugëve respiratore me pasojë kryesore vështirësinë e furnizimit me oksigjen.
Ish-kryeministri shqiptar u shoqërua me ambulancë nga shtëpia e tij për në spital të enjten e 24 gushtit 2023, pasi kishte pasur probleme me frymëmarrjen. Ish kryeministri ka pasur probleme me shëndetin edhe dy vjet më parë.