Raportimet e medieve se Prishtina edhe zyrtarisht nuk është licencuar për pjesëmarrje në garat evropiane i ka mohuar vet klubi kryeqytetas.

Përmes një reagimi në faqen zyrtare, FC Prishtina ka bërë të ditur se ende as nuk ka nisur procesi gjyqësor për këtë çështje, derisa kanë shtuar se ky proces është duke u monitoruar edhe nga UEFA.

“Duam të ju njoftojmë se ky lajm nuk është i vërtetë. KAS-i ende nuk ka caktuar as gjyqtarët e procesit, pra nuk ka filluar ende implementimi i gjyqit dhe këtë gënjeshtër nuk mund të kuptojmë ndryshe vetëm se trysni ndaj gjyqit. Po ashtu, iu bëjmë me dije se edhe organet e UEFA-së janë të njoftuara për procesin gjyqësor që do ta kemi. FC Prishtina do të informoj opinionin në kohë reale për çdo vendim që do të merret”, thuhet në reagimin e FC Prishtina.