Futbolli italian ka hedhur një hap në luftën kundër antisemitizmit duke i ndaluar lojtarët të veshin fanellën me numër “88” me efekt të menjëhershëm.

Presidenti i FIGC, Gabriele Gravina, në bashkëpunim me Ministrin e Brendshëm, Matteo Piantedosi, Ministrin e Sportit, Andrea Abodi, dhe Koordinatorin Kombëtar për Luftën kundër Antisemitizmit, Giuseppe Pecoraro, konfirmuan vendimin të martën pasdite, siç raporton “La Repubblica”, transmeton Gazeta Express.

“88” është një simbol i përdorur gjerësisht nga grupet neo-naziste si një mënyrë për të thënë “heil Hitler”, pasi “h” është shkronja e tetë në alfabet.

Më herët gjatë sezonit të fundit, një tifoz i Lazios u dënua për veshjen e një versioni të turpshëm të fanellës me numër “88” së bashku me emrin “Hitlerson” sipër tij.

Incidenti, i cili u bë tituj në mbarë Evropën, u dënua gjerësisht, duke përfshirë edhe vetë klubin e Lazios, dhe fajtori, një mbështetës i Lazios nga Gjermania, iu lëshua më pas një urdhër ndalimi.

Futbolli italian synon të eliminojë incidente të tilla dhe t’i japë fund antisemitizmit dhe diskriminimit më të gjerë brenda lojës.

Në vijim të ndalimit të numrit “88”, Piantedosi theksoi se ekziston gjithashtu: “një ndalim i përdorimit të simboleve nga mbështetësit që mund t’i referohen nazizmit” dhe se “është përgjegjësi e individëve t’i përmbahen gjuhës jodiskriminuese në mjediset publike”.