Real Madridi po planifikon transferimin e yllit të Real Betis, Nabil Fekir.

Sipas mediumit “fichajes.net”, roli kryesor i francezit në fitoren 2-1 të Betisit kundër Real Madridit thjesht ka intensifikuar interesin.

26-vjeçari ka shënuar shtatë gola dhe ka siguruar tre asistime në 23 ndeshjet e tij për Betisin që nga kalimi i tij në verë nga klubin francez, Olympique Lyonnais. Fekir mund të jetë i disponueshëm për 25 milionë euro këtë verë për “Los Blancos”, të cilët mund të përfshijnë Dani Ceballosin në çdo marrëveshje të tillë.