Sulmuesi i Chelseas Joao Felix ka kërkuar nga bashkëlojtarët ta ndihmojnë Cristiano Ronaldon për ta fituar Kupën e Botës.

Ronaldo, që ka fituar shumë trofe, e mban rekorde të njëpasnjëshme, ende s’e ka shijuar epitetin e ‘kampionit të botës’, me Portugalinë që në Katar u eliminua në çerekfinale nga Maroku.

Felix megjithatë beson se Ronaldo do të luajë edhe në Kupën e Botës 2026, kurse iu ka kërkuar bashkëlojtarëve ta ndihmojnë për ta fituar.

“Cristiano Ronaldo e meriton ta fitojë Kupëne Botës. Duhet të bëjmë gjithçka për ta ndihmuar ta arrij. Është ëndrra e tij”.

“Është titulli i vetëm që i mungon”, deklaroi ai.

Ndërkohë, Ronaldo po vazhdon të shkëlqejë te Al Nassr në Arabinë Saudite, me shpresën që të fitojë trofe këtë sezon me klubin saudit.

Thuhet se portugezi ndodhet në negociata për ta rinovuar kontratën, kurse Kupa e Botës pritet të jetë kompeticioni i fundit për të në nivelin përfaqësues.

Kujtojmë, Ronaldo mbetet golashënuesi numër një në histori për gola me kombëtare.